ഏകലവ്യന്റെ ഗുരുദക്ഷിണ [Ekalavyante Gurudakshina]

ഹിരണ്യധനുസ്സ് എന്ന കാട്ടാളന്റെ പുത്രനായിരുന്നു ഏകലവ്യൻ. അവൻ അമ്പെയ്ത്ത്‌ പഠിക്കാനായി ദ്രോണാചാര്യരുടെ അടുത്തെത്തി.
"എന്റെ ശിഷ്യനാകാനുള്ള യോഗ്യത നിനക്കില്ല.....പൊയ്‌ക്കോളൂ!" ദ്രോണർ ഏകലവ്യനെ തിരിച്ചയച്ചു.
മടങ്ങിപ്പോയ ഏകലവ്യൻ നിരാശനായില്ല. ദ്രോണരുടെ പ്രതിമയുണ്ടാക്കി അതിനു മുമ്പിൽ നിന്ന് അവൻ അമ്പെയ്ത്ത്‌ സ്വയം പഠിക്കാൻ തുടങ്ങി. നിരന്തരമായ പരിശ്രമം അവനെ മിടുക്കനാക്കി.
ഏകലവ്യൻ തന്നേക്കാൾ കേമനാണെന്ന് മനസ്സിലാക്കിയ അർജ്ജുനൻ സങ്കടത്തിലായി. അർജ്ജുനൻ ഗുരുവായ ദ്രോണരുടെ അടുത്തെത്തി ദുഃഖം അറിയിച്ചു.
ഏകലവ്യനെ കാണാൻ ദ്രോണർ എത്തി. എന്നിട്ട് ഗുരുദക്ഷിണയായി അവന്റെ തള്ളവിരൽ ആവശ്യപ്പെട്ടു.
ഉടനെ മറ്റൊന്നും ആലോചിക്കാതെ ഏകലവ്യൻ തന്റെ തള്ളവിരൽ മുറിച്ച് ഗുരുവിന് കൊടുത്തു. തള്ളവിരൽ ഇല്ലാതെ അമ്പെയ്യുന്നതെങ്ങനെ? അതോടെ അർജ്ജുനൻ തന്നെ ഏറ്റവും വലിയ വില്ലാളിയായി മാറി.
ഗുരുഭക്തിയുടെ ഏറ്റവും നല്ല ഉദാഹരണമായി ഏകലവ്യൻ ഇന്നും അറിയപ്പെടുന്നു.

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com