അമ്മൂമ്മയും ദേവതയും (Ammommayum Devathayum)

ഒരു കുടിലിൽ ഒരു അമ്മൂമ്മ താമസിച്ചിരുന്നു. ഒരു ദിവസം അമ്മൂമ്മ മുറ്റത്തിറങ്ങി നടക്കുകയായിരുന്നു. നല്ല കാറ്റ്. ഭയങ്കര ഇടിയും മിന്നലും ഉണ്ടായി.

അമ്മൂമ്മ പേടിച്ചുവിറച്ചു. വേഗം അകത്ത് കയറി മൂടിപ്പുതച്ചു കിടന്നു.

പെട്ടെന്ന് മഴ പെയ്‌തു. അമ്മുമ്മയുടെ വീടിന്റെ മുറ്റത്ത് വെള്ളം കെട്ടി നിന്നു. കുറേ കഴിഞ്ഞു അമ്മുമ്മ മുറ്റത്തിറങ്ങി നോക്കി. അപ്പോൾ സൂര്യനെ കാണുന്നില്ല. എങ്ങും വെള്ളം കെട്ടി നിൽക്കുന്നു.

അപ്പോഴാണ് ഒരു ഉറുമ്പ് വെള്ളത്തിൽ കിടന്ന് പിടയുന്നത് അമ്മുമ്മ കണ്ടത്. ഉറുമ്പിനോട് അലിവ് തോന്നിയ അമ്മൂമ്മ തണുത്തുവിറച്ച അതിനെ വെള്ളത്തിൽ നിന്ന് രക്ഷിച്ചു. അപ്പോൾ ആ ഉറുമ്പ് ഒരു ദേവതയായി മാറി. ദേവത പറഞ്ഞു."എനിക്ക് തണുക്കുന്നു ഒന്ന് ചൂട് കായണം."

"അതിനെന്താ, വരൂ" അമ്മൂമ്മ പറഞ്ഞു. അമ്മൂമ്മ വിറക് കത്തിച്ചു. തണുത്ത കാറ്റ് അടിച്ചു. വീണ്ടും അമ്മൂമ്മ തീ കത്തിച്ചു. ദേവതയ്‌ക്ക് അമ്മൂമ്മയോട് വലിയ സ്നേഹം തോന്നി. ദേവത അമ്മൂമ്മയ്‌ക്ക് നല്ല ഒരു വീട് പണിതു കൊടുത്തു. അങ്ങനെ അമ്മൂമ്മ സുഖമായി താമസിച്ചു.

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com