രാക്ഷസനും മഹാവിഷ്‌ണുവും (Rakshasan and Mahavishnu)

ഭയങ്കരനായ ഒരു രാക്ഷസനായിരുന്നു ഘണ്ടാകർണ്ണൻ. മഹാവിഷ്ണുവിന്റെ പേര് കേൾക്കുന്നതു തന്നെ അവന് വലിയ ദേഷ്യമായിരുന്നു. അതുകൊണ്ട് മറ്റുള്ളവർ വിഷ്ണുനാമം ജപിക്കുന്നത് കേൾക്കാതിരിക്കാനായി അവൻ ഒരു സൂത്രം ചെയ്‌തു. രണ്ട് ചെവിയിലും ഓരോ മണി കെട്ടിത്തൂക്കി. തല അനക്കുമ്പോഴൊക്കെ മണി അടിക്കും. അതു കൊണ്ട് മറ്റുള്ളവർ ജപിക്കുന്ന വിഷ്‌ണു നമമൊന്നും അവന്റെ ചെവിയിലെത്തിയില്ല.
ഒരിക്കൽ ഘണ്ടാകർണ്ണന് ഒരു ആഗ്രഹം തോന്നി 'രാക്ഷസനായി ജീവിച്ചു മതിയായി. മോക്ഷം നേടി ദേവലോകത്ത് പോകണം.' ഘണ്ടാകർണ്ണൻ പരമശിവനെ തപസ്സുചെയ്‌തു പ്രത്യക്ഷപ്പെടുത്തി. "നിനക്ക് മോക്ഷം കിട്ടണമെങ്കിൽ ഒരു വഴിയേ ഉള്ളൂ. മഹാവിഷ്ണുവിനെ പ്രാർത്ഥിക്കുക." പരമശിവൻ പറഞ്ഞു.
അതോടെ മഹാവിഷ്ണുവിനോടുള്ള ദേഷ്യമൊക്കെ മാറിയ ഘണ്ടാകർണ്ണൻ ചെവികളിലെ മണി ഊരി എറിഞ്ഞു. എന്നിട്ട് വിഷ്ണുനാമം ജപിക്കാൻ തുടങ്ങി. അങ്ങനെ ഘണ്ടാകർണ്ണന് മോക്ഷം കിട്ടുകയും ചെയ്‌തു.

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com