വിഷ്‌ണുവും ബർബരികനും

അസുരന്മാരുടെ ശല്യം സഹിക്കാനാവാതെ ഒരിക്കൽ ദേവന്മാരെല്ലാവരും കൂടി മഹാവിഷ്ണുവിന്റെ അടുത്തെത്തി. അക്കൂട്ടത്തിൽ ബർബരികൻ എന്നൊരു യക്ഷനും ഉണ്ടായിരുന്നു. മഹാ അഹങ്കാരിയായിരുന്നു ബർബരികൻ.

“അസുരന്മാരെ തോൽപിക്കാൻ വിഷ്ണുവിന്റെ സഹായമൊന്നും വേണ്ട. അതിന് ഞാൻ ഒറ്റയ്ക്ക മതി!'', ബർബരികൻ ഉറക്കെ പറഞ്ഞു. ബർബരികന്റെ അഹങ്കാരം ബ്രഹ്മാവിന് തീരെ രസിച്ചില്ല. അടുത്ത ജന്മത്തിൽ നീ വിഷ്ണുവിന്റെ കൈ കൊണ്ട് കൊല്ലപ്പെടാൻ ഇടവരട്ടെ എന്ന് ബ്രഹ്മാവ് ബർബരികനെ ശപിച്ചു. ആ ശാപം ഫലിക്കുകതന്നെ ചെയ്തു.

കാലങ്ങൾക്കു ശേഷം ഭീമന്റെ മകനായ ഘടോൽക്കചന്റെ മകനായി ബർബരികൻ ജനിച്ചു. മഹാഭാരത യുദ്ധത്തിനിടെ ശ്രീകൃഷ്ണന്റെ കൈ കൊണ്ട് ബർബരികൻ കൊല്ലപ്പെടുകയാണുണ്ടായത്.

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com