കുശനും കുമുദവും

സീതയുടെയും ശ്രീരാമന്റെയും പുത്രനായിരുന്നു കുശൻ. ഒരു ദിവസം കുശൻ സരയൂ നദിയിൽ കുളിക്കുകയായിരുന്നു. കുളികഴിഞ്ഞ് കരയിൽ എത്തിയപ്പോഴാണ് കുശന് ഒരു കാര്യം മനസിലായത്. തന്റെ കൈയിലെ ആഭരണം കാണാനില്ല.
ആഭരണം നദിയിലെ വെള്ളത്തിലാണ് വീണതെന്ന് കുശന് മനസ്സിലായി. ദേഷ്യം വന്ന കുശൻ അമ്പും വില്ലുമെടുത്തു.
“ഹും വേഗം എന്റെ ആഭരണം തിരിച്ചുതാ!”, അദ്ദേഹം നദിയിലേക്ക് അമ്പെയ്യാൻ തുടങ്ങി. കുമുദം എന്ന നാഗം താമസിച്ചിരുന്നത് സരയൂനദിയിലായിരുന്നു.
കുശന്റെ അസ്ത്രപ്രയോഗം കണ്ട് കുമുദത്തിന് കുശനോട് ആരാധന തോന്നി. കുമുദം വേഗം പുഴയിൽ വീണ കുശന്റെ ആഭരണം തേടി കണ്ടുപിടിച്ചു. എന്നിട്ട് അതുമായി കുശന്റെ അടുത്തെത്തി. “അല്ലയോ വില്ലാളിവീരാ ഇതാ അങ്ങയുടെ ആഭരണം! ഇതോടൊപ്പം എന്റെ മകളെ കൂടി അങ്ങ് സ്വീകരിക്കണം!" കുമുദത്തിന്റെ ആഗ്രഹംപോലെ അദ്ദേഹത്തിന്റെ മകളായ കുമുദ്വതിയെ കുശൻ ഭാര്യയായി സ്വീകരിക്കുകയും ചെയ്തു.

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com