കോഴിയമ്മയും കുഞ്ഞുമക്കളും കൂടി തീറ്റതേടാനിറങ്ങിയതാണ്. കുഞ്ഞിമാക്കൽ പലവഴി തീറ്റതേടിപ്പോയി. അപ്പോൾ അമ്മക്കോഴി പറഞ്ഞു."മക്കളേ ... നിങ്ങൾ എവിടെപ്പോയാലും അമ്മ വിളിക്കുമ്പോൾ വന്നേക്കണം." മക്കൾ സമ്മതിച്ചു. പലരും പലവഴി നടന്ന് തീറ്റതേടിക്കൊണ്ടിരുന്നു. പെട്ടന്നാണ് ഒരു പരുന്ത് കുഞ്ഞിക്കോഴികളെ കണ്ടത്. അവൻ കുഞ്ഞിക്കോഴികളെ പിടിക്കാനായി താഴേക്ക് പറന്നെത്തി. കോഴിയമ്മയും ഇത് കാണുന്നുണ്ടായിരുന്നു. അമ്മക്കോഴി ഉറക്കെ കരഞ്ഞു "അപകടം...അപകടം..." അതുകേട്ട് കുഞ്ഞിക്കോഴികൾ ഓടിയെത്തി. അപ്പോൾ അമ്മക്കോഴി എന്തുചെയ്തെന്നോ...? അമ്മക്കോഴിയുടെ വലിയ ചിറകുകൾ വിടർത്തിപ്പിടിച്ചു. കുഞ്ഞിക്കോഴികൾ അതിനുള്ളിൽ കയറി ഒളിച്ചു. പരുന്ത് നാണിച്ചു സ്ഥലംവിട്ടു. അപ്പോൾ അമ്മക്കോഴി പറഞ്ഞു,"കണ്ടോ... കണ്ടോ... നിങ്ങൾ നല്ല കുട്ടികളാണ്. അമ്മ വിളിച്ചപ്പോഴേ വന്നു. അതുകൊണ്ട് നിങ്ങൾക്ക് ഒരു അപകടവും പറ്റിയില്ല."
കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com
