ഉറുമ്പും പുൽച്ചാടിയും (Urumbum Pulchadiyum)

ഒരു വേനൽക്കാലത്ത് പുൽച്ചാടി വയലിൻ വായിച്ച് പാട്ടും പാടി ഇരിക്കുകയായിരുന്നു. അപ്പോൾ ഒരു ഉറുമ്പ് ധാന്യമണി കൂട്ടിലേയ്‌ക്ക് കഷ്ടപ്പെട്ട് വലിച്ചുകൊണ്ടുപോകുന്നത് കണ്ടു. "എന്തിനാണിങ്ങനെ കഷ്ടപ്പെടുന്നത്? നിനക്ക് കളിച്ചു രസിച്ചുകൂടെ?" പുൽച്ചാടി ചോദിച്ചു. "ഞാൻ മഞ്ഞുകാലത്തേയ്‌ക്ക് ഭക്ഷണം ശേഖരിക്കുകയാ!", ഉറുമ്പ് മറുപടി പറഞ്ഞു. അതുകേട്ട് പുൽച്ചാടി ഉറുമ്പിനെ കളിയാക്കി ചിരിച്ചു. എന്നിട്ട് പറഞ്ഞു "മഞ്ഞുകാലം വരാൻ ഇനിയും ധാരാളം നാളുകൾ എടുക്കും, അതുവരെ കളിച്ചും പാട്ടുപാടിയും നടന്നുകൂടെ നിനക്ക്?" 

വൈകാതെ മഞ്ഞുകാലം വന്നു. പുൽച്ചാടി പട്ടിണി കിടന്നു മടുത്തു. അപ്പോഴതാ ഉറുമ്പും കൂട്ടുകാരും കൂട്ടിൽ ഭക്ഷണം കഴിച്ചു കളിച്ചും ചിരിച്ചും പാട്ടുകൾ പാടിയും വിശ്രമിക്കുന്നു.

നാളേയ്ക്ക് കരുതിവയ്‌ക്കാതെ മടിപിടിച്ചിരുന്നതോർത്ത് പുൽച്ചാടി നാണിച്ചുപോയി.

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com