കുട്ടുമുയലിൻ്റെ പിറന്നാൾ

കുഞ്ഞുമലക്കാട്ടിൽ കുട്ടുമുയലിന്റെ പിറന്നാൾ ആഘോഷം നടക്കുകയാണ്. കേക്ക് മുറിച്ചും പാട്ടുപാടിയും കുട്ടുവിന്റെ ചങ്ങാതിമാരെല്ലാം ആടിത്തിമിർത്തു.
ഒടുവിൽ നേരം രാത്രിയായി. കുട്ടുവിനും കൂട്ടുകാർക്കും കളിച്ചു മതിയായില്ല. നമുക്ക് ഒളിച്ചു കളിക്കാം!', കുട്ടു പറഞ്ഞു. കുട്ടുതന്നെയാണ് കണ്ണുപൊത്തിയത്. നേരം ഇരുട്ടിയതല്ലേ? ഇരുട്ടത്ത് കൂട്ടുകാരെയൊന്നും കണ്ടുപിടിക്കാൻ കുട്ടുവിന് കഴിഞ്ഞില്ല. അപ്പോഴാണ് അത്തിമരച്ചോട്ടിൽ എന്തോ തിളങ്ങുന്നത് കുട്ടു ശ്രദ്ധിച്ചത്. അവന് ആളെ മനസ്സിലായി. കുഞ്ഞൻ മിന്നാമിനുങ്ങായിരുന്നു അത്. 'ഹമ്പട, ഒളിച്ചിരിപ്പാണല്ലേ?'
ഉടനെ കുട്ടു വിളിച്ചു പറഞ്ഞു: “കുഞ്ഞനെ കണ്ടേ...' ഇതുകേട്ട് കുഞ്ഞന് സങ്കടമായി. “എന്നെ മാത്രം നീ എങ്ങനെയാ കണ്ടുപിടിച്ചത്?'' അവൻ ചോദിച്ചു. “എടാ മണ്ടാ, ഇരുട്ടത്ത് നീ തിളങ്ങില്ലേ? പിന്നെ കണ്ടുപിടിക്കാൻ എളുപ്പമല്ലേ?''കുട്ടുമുയൽ പൊട്ടിച്ചിരിച്ചു. അതുകേട്ട് കുഞ്ഞൻ മിന്നാമിന്നി നാണിച്ചുപോയി.

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com