കസ്തൂരിമാനിന്റെ കഥ

പുലകൻ എന്ന് പേരുള്ള ഒരു അസുരൻ ഉണ്ടായിരുന്നു. ഒരിക്കൽ പുലകൻ തപസ്സ് ചെയ്‌ത്‌ ശിവനെ പ്രത്യക്ഷപ്പെടുത്തി.
"എനിക്ക് പൂക്കളുടേത് പോലെ നല്ല മണം തന്നാലും!" അസുരൻ പറഞ്ഞു. "ശരി, നിന്റെ ആഗ്രഹം പോലെ നടക്കട്ടെ!" ശിവൻ അനുഗ്രഹിച്ചു. അതോടെ അസുരന് നല്ല മണം കിട്ടി.
"ഹായ് നല്ല മണം. പുതിയ ഏതോ പൂവ് വിരിഞ്ഞെന്ന് തോന്നുന്നു!" എല്ലാവരും ഓടി അസുരന്റെ അടുത്തെത്തി.
അപ്പോഴോ ? അസുരൻ അവരെയെല്ലാം പിടികൂടി. "ഹും! നിന്നെയൊക്കെ ഞാൻ ശരിപ്പെടുത്തും!"
ഇതെല്ലാം അറിഞ്ഞ് ദേഷ്യം വന്ന ശിവൻ അസുരന്റെ മുന്നിലെത്തി. "ഹും! ഞാൻ നൽകിയ അനുഗ്രഹം കൊണ്ട് മറ്റുള്ളവരെ ഉപദ്രവിക്കുന്ന നീയൊരു മാനായി മാറട്ടെ!"
അസുരൻ ഉടനെ ഒരു മാനായി മാറി. "ഹയ്യോ! എന്നോട് ക്ഷമിക്കണേ!" അസുരൻ മാപ്പ് ചോദിച്ചു. "മാനായാലും എന്റെ നല്ല മണം എന്നും എനിക്കുണ്ടാകണേ!" അവൻ കരഞ്ഞു പറഞ്ഞു. ശിവൻ അതു സമ്മതിച്ചു. സുഗന്ധം പരത്തുന്ന കസ്തൂരിമാനുകളുണ്ടായത് അങ്ങനെയാണത്രെ!

---

കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com