ഒരിക്കൽ പരശുരാമൻ ശിവനെ പ്രീതിപ്പെടുത്താനായി വലിയൊരു തപസ്സ് ചെയ്തു. തപസ്സിനൊടുവിൽ ശിവൻ പ്രത്യക്ഷപ്പെട്ട് രാമന് വിശിഷ്ടങ്ങളായ അമ്പുകളും പരശുവും സമ്മാനിച്ചു.
ശിവന്റെ അനുഗ്രഹവും വാങ്ങി മടങ്ങും വഴി രാമൻ ഒരു കരച്ചിൽ കേട്ടു. ഓടിച്ചെന്നു നോക്കുമ്പോഴുണ്ട്, ഒരു കടുവ ഒരു ബ്രാഹ്മണബാലനെ ആക്രമിക്കുന്നു.
പരശുരാമൻ വേഗം വില്ലെടുത്ത് അമ്പ് തൊടുത്തു. ലക്‌ഷ്യം തെറ്റിയില്ല. രാമന്റെ അമ്പേറ്റ് കടുവ ചത്തുവീണു.
അപ്പോൾ ഒരു അത്ഭുതം കൂടി സംഭവിച്ചു. കടുവ ഒരു ഗന്ധർവ്വനായി മാറി. ശാപമേറ്റ് കടുവയുടെ രൂപത്തിൽ കഴിയുകയായിരുന്നു ആ ഗന്ധർവ്വൻ. പരശുരാമന്റെ അമ്പേറ്റതും അയാൾക്ക് ശാപമോക്ഷം കിട്ടി.
തന്നെ ശിഷ്യനായി സ്വീകരിക്കണമെന്ന് ഗന്ധർവ്വൻ അപേക്ഷിച്ചു.പരശുരാമൻ സന്തോഷത്തോടെ അതിന് സമ്മതിച്ചു.
മുറിവേൽപ്പിക്കാൻ ആകാത്തവൻ എന്ന അർത്ഥത്തിൽ അകൃതവ്രണൻ എന്ന് പേരിട്ട് പരശുരാമൻ ഗന്ധർവ്വനെ തന്റെ ശിഷ്യനായി സ്വീകരിക്കുകയും ചെയ്തു.
കുട്ടികൾക്ക് മലയാളത്തിലുള്ള കഥകൾ വായിക്കാൻ അവസരങ്ങൾ കുറഞ്ഞുവരുന്ന ഈ കാലത്ത് തികച്ചും സൗജന്യമായി ഒരു കഥാ ബ്ലോഗ് തയ്യാറാക്കിയിരിക്കുന്നു. ഓരോ ദിവസവും പുതിയ പുതിയ കഥകൾ ഈ ബ്ലോഗിൽ നിന്ന് നിങ്ങൾക്ക് വായിക്കാം. അമ്മമാരും മറ്റും അവരുടെ ചെറുപ്പകാലത്ത് വായിച്ചിരുന്ന പാഠപുസ്തകങ്ങളിലെ കഥകളും ബാലമാസികകളിലെ കഥകളും നിങ്ങൾക്കായി കൊച്ചുകൂട്ടുകാർക്കായി ഇവിടെ ലഭ്യമാക്കുന്നതായിരിക്കും.
ഈ സൈറ്റിനെക്കുറിച്ചുള്ള വിവരം നിങ്ങളുടെ കൂട്ടുകാരുമായും മറ്റും പങ്കിടൂ..
നിങ്ങളുടെ കൈയിൽ കുഞ്ഞിക്കഥകൾ ഉണ്ടെങ്കിൽ അയച്ചുതരിക..യോഗ്യമാണെന്ന് തോന്നുന്ന പക്ഷം രചയിതാവിന്റെ പേരടക്കം ഈ ബ്ലോഗിൽ ആ കഥ പ്രസിദ്ധീകരിക്കാം.. Send Your Stories to mashhari30@gmail.com
